Abahoze ari abakuru b’igihugu c’Uburundi batatu babonanye n’umuhuza mukuru mu bibazo vya poritike vy’Abarundi, Yoweri Kaguta Museveni. Abo bahoze barongoye Uburundi baganiriye ingene ibiganiro vyosubira gutangura vuba kandi bikagenda neza.
Abo babonanye n’umuhuza Yoweri kaguta Musseveni ni Major Petero BUYOYA, Domitien NDAYIZEYE, hamwe na Sylvestre NTIBANTUNGANYA.
Inyuma y’uwo mubonano, Sylvestre NTIBANTUNGANYA yamenyesheje ko bikwiye ko ivyo biganiro vyohuza abaserukira Reta hamwe n’abatavuga rumwe nayo, abo mu mashirahamwe adaharanira ivyicaro vya poritike, hamwe n’abo mu mashirahamwe yiyamirije ikiringo ca gatatu ca Petero NKURUNZIZA.
Umuhuza Yoweri Kaguta Museveni akaba atababwiye isango ivyo biganiro bigiye gusubira kuberako.
Recent Comments