Uwagirizwa ubusuma yafatiwe mu nzu y’abadandaza umubiri

Umuntu yagirizwa ko ari umusuma yafashwe mu gatondo ko kuri uwu wa gatatu, muri zone ya Buyenzi, igisagara ca Bujumbura, mu nzu y’uburaro izwi kw’izina ryo « Kwa Mukono. »

Uwo muntu yafatanwe igikinisho kimeze nk’inkoho yo mu bwoko bwa Pistolet, akaba yafatiwe kw’ibarabara rya 25.

Iyo nzu y’uburaro izwi kw’izina ryo « Kwa Mukono » isanzwe ivugwa ko ikorerwamwo ubusambanyi rw’abadandaza umubiri, hakaba kandi hakunze gukorerwa n’ubusuma, aho usanga uwuba yagiye kurondera uwudandaza umubiri yibwe ivyo yari afise yaba amafaranga canke ibindi bikoresho vy’agaciro.