Monday, September 26, 2022
HomeNewsMuyinga : Umunyagihugu yagirijwe ubusuma yishwe

Muyinga : Umunyagihugu yagirijwe ubusuma yishwe

Muri komine ya Giteranyi intara ya Muyinga, hari umunyagihugu yagandaguwe acumiswe imbugita, abanyagihugu bakavuga ko yagandaguwe n’abariko bashaka kwihanira bamwagiriza ubusuma.

Musitanteri wa komine Giteranyi amenyesha ko amatohoza yamaze gutangura. Ikiziga c’uwo munyagihugu azwi kw’izina rya NDURURUTSE Balthazar catowe mw’ishamba, abajejwe intwaro bakavuga ko abamwishe bamukuye muhira bagenda bamuboshe.

Ndururutse Balthazar yishwe azira ubusuma, nk’uko vyemezwa n’amatohoza yagizwe n’abajejwe intwaro muri komine Giteranyi. Ayo matohoza avuga ko uwo yishwe yagirijwe ko yigeze kwiba amakinga, mu nyuma abo yivye bakabona yidegemvya, baca baja kumutora muhira baramwica.

Abanyagihugu b’aho muri komine Giteranyi basaba ko ingeso y’ukwihanira yotuzwa, kuko hari n’abashobora kwikika mu kiza, mu kwica abo bafise ivyo bapfa.

Must Read

Léonce Ngendakumana avuga ko Perezida Ndayishimiye yabeshe muri ONU ko...

0
Ivyo umukuru w'igihugu c'uburundi Varisito Ndayishimiye yashikirije mu nama ya bose ya ONU igira 77 aho yavuga ko agateka ka zina muntu kubahirijwe mu...