Monday, September 26, 2022
HomeNewsMichel KAFANDO ari mu rugendo mu Burundi

Michel KAFANDO ari mu rugendo mu Burundi

Intumwa idasanzwe y’umunyamabanga mukuru w’ishirahamwe mpuzamakungu ONU mu Burundi Michel KAFANDO ari i Bujumbura kuva kuri uwu wa mbere igenekerezo rya 3 Nyakanga 2018.

Abagize ibiro vy’iyo ntumwa mu Burundi bamenyesha ko urugendo Michel KAFANDO arimwo mu Burundi rufise intumbero y’ukuvugana n’abegwa n’ibibazo vya poritike biri mu Burundi, ku biganiro bigira gatanu, kandi bishobora kuba ari ivya nyuma bihuza Abarundi bitegekanijwe.

Mu kiringo c’iminsi indwi Michel KAFANDO azomara mu Burundi, bitegekanijwe ko azobonana n’abanyeporitike batandukanye, abari muri Reta y’Uburundi hamwe n’abari mu mashirahamwe adaharanira ivyicaro vya poritike.

Mwomenya ko bitegekanijwe ko inyuma y’urwo rugendo, hazosohoka itangazo rivuga ivyaranguwe n’iyo ntumwa y’umunyamabanga mukuru w’ishirahamwe mpuzamakungu ONU mu Burundi, ayo makuru tukazoyagarukako inyuma y’urwo rugendo.

Must Read

Léonce Ngendakumana avuga ko Perezida Ndayishimiye yabeshe muri ONU ko...

0
Ivyo umukuru w'igihugu c'uburundi Varisito Ndayishimiye yashikirije mu nama ya bose ya ONU igira 77 aho yavuga ko agateka ka zina muntu kubahirijwe mu...