SOS-TORTURE:Indwi Turangije Yaranzwemwo Ubwicanyi N’Abahagarikwa.

0

Nk’uko biri mu cegeranyo c’ishirahamwe SOS-Torture Burundi, kuva kw’igenekerezo rya 20 gushika kurya 27 Rusama,umwaka wa 2017 harabaye ibitero vy’abitwaje ibirwanisho vyahitanye ubuzima bw’abanyagihugu na cane cane mu gisagara ca Bujumbura.

Ico cegeranyo c’ishirahamwe SOS-Torture kiragaruka kandi ku bwicanyi bwakozwe mu Kigaramango,kw’ibarabara Bujumbura-Gatumba,bwahitanye umudandaza w’igitoro Hilaire Muhamed mu gihe yari avuye mu gihugu ca Republika Iharanira Intwar Rusangi ya Kongo.

SOS-Torture iragaruka kandi ku bitero vyakozwe muri quartier Gikizi ya zone Kamenge,komine Ntahangwa ,iri mu gisagara ca Bujumbura hafi y’urugo rw’umukuru wa zne Kamenge, aho abantu 8 bakomeretse harimwo abana 3,umugore n’abagabo bane.

Icegeranyo ca SOS-Torture kiragaruka kw’ifatwa n’igipolisi ca Republika Iharanira Intwaro Rusangi ya Kongo ry’umumenyeshamakuru akorera iradiyo y’abadagi Deutsche Welle Antéditeste Niragira yahavuye ashikirizwa igipolisi c’Uburundi inyuma y’indwi hanyuma ararekurwa.

Muri ico cegeranyo,ishirahamwe SOS-Torture rimenyesha ko abantu babandanije gufatwa na cane harimwo abayoboke b’umugambwe FNL urongowe n’umushingamteka RWASA Agathon.