America yafatiye ibihano bikomeye Alexis Sinduhije

0

Reta Zunze Ubumwe za Amerika zafatiye ibihano abandi barundi bane,bagirizwa kugira uruhara mu mutekano muke uboneka mu gihugu c’Uburundi kuva mu mpera z’ukwezi kwa kane 2015.

alex-sinduhije

Abo bafatiwe ibihano ni,Gervais Ndirakobuca batazira ndakugarika,Leonard Ngendakumana yari mu bagerageje gutembagaza ubutegetsi, Joseph Mathias Niyonzima akora mu gisata c’igendereza na Alexis Sinduhije arongoye umugambwe MSD yagirizwa gukorana n’imirwi yitwaje ibirwanisho.

Mw’itangazo Reta Zunze Ubumwe za Amerika zashize ahabona,zimenyesha ko ivyo bihano bije bikurikira ibitero vyabaye kuwa gatanu igenekerezo rya 11 Rusama 2015 ku makambi ya gisirikare mu gisagara ca Bujumbura,abantu bashika 100 bakahatakariza ubuzima.

Amakuru dukesha Iradiyo Ijwi rya Amerika amemyesha ko abo bafatiwe ibihano bahagarikiwe amatungo yabo ari muri Reta Zunze Ubumwe za Amerika, kandi ko batemerewe gukorana n’amashirahamwe yo mu gihugu ca Reta Zunze Ubumwe za Amerika.

Haraheze amezi make umukuru w’igihugu ca Amerika yari yamenyesheje ko hari abandi bategetsi mu Burundi bafatiwe ibihano,harimwo umushikiranganji w’umutekano Alain Guillaume Bunyoni.