Amashirahamwe yigenga yafatiwe ingingo zikomeye

0

Mu nama yagirishije abaserukira amashirahamwe adaharanira ivyicaro vya poritike, umushikiranganji w’intwaro yo hagati mu gihugu Pascal BARANDAGIYE, yamenyesheje ko ubushikiranganji arongoye bwashizeho ibiringo ntarengwa mu burongozi bw’ayo mashirahamwe.

Muri iyo nama yabereye i Gitega, umushikiranganji Pascal BARANDAGIYE yamenyesheje ko agiye gukomeza intwaro ibereye mu mashirahamwe adaharanira ivyicaro vya poritike, akavuga ko mw’itegeko rishasha rigiye kugenga ayo mashirahamwe, harimwo ibiringo ntarengwa vy’uburongozi bw’ishirahamwe. Ibiringo bibiri vy’imyaka itanu kuri kimwe cose akaba arivyo abarongoye amashirahamwe bagiye kuza baramara, umushikiranganji BARANDAGIYE akavuga ko ibihano vyategekanijwe ku bazorenza ivyo biringo.

pas

Ubwo bushikiranganji bukaba bwategetse kandi ko amafaranga yose afashishijwe ayo mashirahamwe azohora aca muri banki nkuru y’igihugu, ubwo bushikiranganji bukavuga ko ari mu ntumbero y’ukugenzura ikoreshwa ry’amafaranga ahabwa amashirahamwe adaharanira ivyicaro vya poritike.

Tubibutse ko ubwo bushikiranganji bw’intwaro yo hagati mu gihugu bwaheruka guhagarika ibikorwa vy’amashirahamwe cumi adaharanira ivyicaro vya poritike.
Kw’itegeko nomero 1597, Pascal BARANDAGIYE, umushikiranganji w’intaro yo hagati mu gihugu yamenyesheje ko ayo mashirahamwe yahagaritswe ata gikorwa na kimwe arekuriwe gukora, gushika hasohotse ingingo nshasha y’ubutungane bw’Uburundi, buhejeje amatohoza buvuga ko buriko burakora kuri dosiye nomero RMPG 696/MA.

Ayo mashirahamwe uko ari icumi yagirizwa imigumuko hamwe n’ugushaka guhirika ubutegetsi kwabaye kw’igenekerezo rya 13 Rusama 2015.

Amashirahamwe yahagaritswe ni :

APROHD : Association de Protection des Personnes Détenues et des Droits
de l’Homme)

FORSC : Forum pour le Renforcement de la Société civile

FOCODE : Forum pour la Conscience et le Développement

PARCEM : Parole et Action pour le Réveil des Consciences et l’Evolution des Mentalités

Maison SHALOM

ACAT : Action des Chrétiens pour l’Abolition de la Torture

Fontaine ISOKO

SPPDF : Synérgie des Partenaires pour la Promotion des Droits de la Femme

AMINA : Amicale des Militaires en Non Activités

RCP : Réseau des Citoyens Probes

Ayo mashirahamwe yahagaritswe inyuma y’aho umushikirizamanza kizigenza wa Repuburika nawe yaheruka kwugara ububiko bw’amafaranga y’ayo mashirahamwe.