Ibihugu bibiri vya rutura kw’isi arivyo Leta Zunze Ubumwe za Amerika na Canada vyagaragaje ko birajwe ishinga n’ingingo ya leta y’Uburundi yo kwugara ibiro vya ONU bijejwe agateka ka zina muntu mu Burundi.
Igihugu ca Leta Zunze Ubumwe za Amerika kikaba camenyesheje ko mu gihe ata bajejwe agateka ka zina muntu bari mu Burundi ‘vyotuma amabi akorwa yiyongera mu Burundi’.
The #US is concerned by the closure of #OHCHR in #Burundi, especially given ongoing human rights violations and limitations on civic and political space. Cooperation with OHCHR can enable Burundi to demonstrate that human rights abuses are no longer continuing.
— Tibor Nagy (@AsstSecStateAF) December 18, 2018
Igihugu ca Canada naco kikaba gisaba ko nyabuna Uburundi bwobanfdanya bukorana cane n’ibiro vya ONU bijejwe agateka ka zina muntu kubera ariyo nzira nziza yo ‘gukorana n’amakungu’ mu bijanye n’agateka ka zina muntu.
2/2 : À la lumière des informations persistantes faisant état d'atteintes aux droits de l'homme et de tensions politiques au #Burundi, il est appelé à une nouvelle collaboration du gouvernement du Burundi avec #OHCHR. https://t.co/QEtYHV5t8t
— Canada au Burundi (@CanadaauBurundi) December 21, 2018
Ku wa 5 Kigarama 2018, leta y’i Bujumbura yafashe ingingo yo kwugara ibiro vya ONU bijejwe agateka ka zina muntu.
Umuvugzi wa leta y’Uburundi, Prosper Ntahorwamiye, yamenyesheje ko ivyo biro vya ONU bijejwe agateka ka zina muntu ‘ata kibanza bigifise mu Burundi kubera ko mu Burundi hatekanye’.
Bujumbura kandi yari isanzwe yagiriza ivyo biro vya ONU bijejwe agateka ka zina muntu ko bifatadikanya na wa mugwi wa ONU ukora amatohoza ku Burundi mu gusohora ‘ivyegerenyo birimwo amakosa ku Burundi’.
Recent Comments