Umushikiranganji Immaculee Ndabaneze yaraye akombowe mu mabanga,hoba hari ibinyegezwa mw-ikomborwa ryiwe.

0

 

Umushikiranganji w-ubudandaji , gutwara abantu n-ibintu, amahinguriro n-ingenzi , umupfasoni Immaculee Ndabaneze yaraye akombowe mu mabanga yiwe n-umukuru w-igihugu Evariste Ndayishimiye.Aragabisha irya nyuma abaguma baduza ibiciro | Indundi

Nkuko tubisanga mw-ikete  ryateweko umukono na perezida Ndayishimiye hamwe n-umushikiranganji wiwe wa mbere AlainGuillaume Bunyoni, Umushikiranganji Immaculee Ndabaneze ahowe ko ibikorwa vyiwe vyashobora kubangamira ubutunzi bw-igihugu bikanacafuza ishusho y-igihugu.

Kubwa Gabriel Rufyiri arongoye ishirahamwe OLUCOME amenyesha ko  ikomborwa rya Immaculee Ndabaneza ryoba ririmwo ibinyegezwa vyinshi . Rufyiri avuga ko yoba uwo mushikiranganji yazize  igurishwa ridaciye mu mategeko  ry-indege itari gikora  uburundi bwari busigaranye.Bikavurwa ko iyo ndege yagurishijwe amahera makeyi cane  k-umunya afrika y-epfo. Ikindi kinyegezwa Gabriel Rufyiri avuga n-uko umushikiranganji Ndabaneze ahowe kubwitunganywa nabi ry-uburyo bwagenewe mw-ishingwa ry-ishirahamwe ry-indege ya Leta  Air Burundi  aho uwarajejwe ibikorwa  vyo kuvukisha iryo shirahamwe Nizigiyimana Pierre ubu abarizwa mw-ibohero rikuru rya Mpimba.