Ishirahamwe ryishinze kurwanya igiturire n-isesagurwa ry-ubutunzi bwa Leta, OLUCOME rimenyesha ko rifise impungenge n-ibijanye n-imirima hamwe n-ubworozi vy-umukuru w-igihugu Evariste Ndayishimiye . Gabriel Rufyiri arongoye OLUCOME yibutsa umukuru w-igihugu n-abandi bategetsi ko amategeko y-igihugu atomora neza ko bidakwiye ko umutegetsi abangikanya amabanga kiretse mu gihe ashatse gutanga akarorero.
« Turavye mu rwego rw-amategeko, duhere kw-ibwirizwashingiro mu ngingo yaryo y-101 aho havuga neza yuko umukuru w-igihugu ata kindi kintu na kimwe kiba ikimwinjiriza amafaranga canke kitamwinjiriza n-amafaranga ashobora gufadikanya ngo akore mu gihe yahawe amabanga y-umukuru w-igihugu . Kandi ivyo bifata we bigaca vyongera bigafata n-umutambukanyi wiwe n-abana biwe bafise imyaka iri musi ya 18. Irindi tegeko riraba ivyo kutabangikanya amabanga, naryo rica riza rivuga yuko umukuru w-igihugu , icegera ciwe, umushikiranganji wa mbere ,abagize Leta bose harivyo badashobora kubangikanya» Niko Rufyiri avuga hari kuri Radiyo Peace FM.
Uwo arongoye OLUCOME atanga insiguro zijanye nuko abategetsi bo hejuru harimwo n-umukuru w-igihugu batemerewe kuja kubangikanya n-ayandi mabanga kubera ko Leta ibamenya muri vyose nko kubagaburira, kubambika, kubaha uburaro,…
«Nico gituma mubona ko umukuru w-igihugu atagira inyuma y-urugo, nta vie privée agira. Nico gituma niyo agiye mu karuhuko , murabona ko abanyagihugu bategerezwa kuba bamenya ivyo arimwo» Niko Gabriel RUFYIRI abandanya asigura.
Recent Comments