Umunyamabanga mukuru w-umugambwe CNDD-FDD Reveriyano Ndikuriyo arabandanya gukoresha amajambo yo gukokeza no gushigikira ubwicanyi mu gihugu mu gihe ubutungane arico bubereyeho kugira bucire imanza uwo kwagirizwa icaha icari cocose yoba yakoze.
Kuri uyu wa 16 Munyonyo mu ntara ya Bubanza ku musi wo gutangura indwi yahariwe umurwanyi mw-uwo mugambwe, Reveriyano Ndikuriyo yavuze uku :
ˮAba mubona bose nta mwansi yabarashe. Hari abari bazi yuko ari bamwe mu barashwe n-umwansi. Nitwe twabiyiciye. Ntihica ubwoko rero, hica ubutegetsi bubi‟
Akiri ngaho, uwo arongoye umugambwe ku rwego rw-igihugu yahamagariye abanya bubanza kwica uwo wese biketse ko ashaka guhungabanya umutekano. Ntamatohoza , nta manza zikenewe , kubwa Reveriyano Ndikuriyo ni ˮukumunyarutsa !‟
Mu majambo yiwe, Ndikuriyo abandanya abandanya agira ati :ˮkera nta myaka itanu , cumi ,wabona inzu zisha , ama mangazini yibwa, abantu ibihumbi amajana bahunga, wamenga vyari ibintu vyanditse ku myaka . Mugabo ubu murabona , naho umuntu yogira ngo aragira akantu muca mu mugirira akantu bica bihera. Barabizi aha turi i Bubanza , asha ugomba guhungabanya amahoro n-umutekano baca bakunyarutsa ni vyiza‟
Tubamenyeshe ko iyo ndongozi nkuru y-umugambwe CNDD-FDD mu kwezi kwa Gitugutu mu mwaka w-2015 yahamagariye abo mu ma karitiye yo mu buraruko bw-igisagara ca Bujumbura ˮgukora‟ bagafuta abiyamirije ikiringo ca gatatu ca Perezida Nkurunziza. Aho yabamagariye gukora kugira baronke ama ˮparcelles‟.Mu mwaka w-2019 mu kwezi kw-icenda, Reveriyano Ndikuriyo yemereye imiriyoni zitanu uwo wese azomuzanira umutwe w-uwitwa Kaburimbo (Pascal NINGANZA) umunyagihugu wo muri komine Matana ,mu ntara ya Bururi. Aho baciye bagirako bamugandagura bunyamaswa bamaze kumufata bamuboshe hari muri Ndamukiza 2020.
Recent Comments