Umukuru w-igihugu wa Kenya Uhuru Kenyatta yaraye ashize umukono kw-itegeko rishasha riha uburenganzira impunzi n-abarondera ubuhungiro muri ico gihugu bwo kuja mu mashure hamwe no kurondera uburyo bwo kwibeshaho mu buzima bwa misi yose.
Ariko iryo tegeko rishasha riha impunzi akaryo ko kubaho nk-abanyagihugu basanzwe kuko zigiye kuronswa impapuro zo gushobora kuja mu mashure hamwe no gusaba ubuzi ahari hohose. Iryo tegeko rikaba rije mu gihe hasigaye amezi atandatu gusa ngo hashirwe mu ngiro umugambi wa Leta y-ico gihugu wo kwugara amakambi y-impunzi ahaye indaro impunzi zishika hafi ibihumbi amajana atanu (500.000).
Kenya yafashe ingingo yo kwugara mu mwaka uza ayo makambi y-impunzi bitewe nuko ayo makambi yagirijwe ko ariyo yama yakoreshejwe nk-urubuga rwo gutegura abaja mu mihari y-iterabwoba yagirizwa kugaba ibitero bimaze guhitana abantu benshi muri ico gihugu.
Recent Comments