Reta y’Uburundi irashima ivyavuye mu biganiro vyayihuje n’ishirahamwe ry’Ubumwe bwa Buraya

0

Reta y’Uburundi imenyesha ko inezerezwa n’ivyavuye mu biganiro vyayihuje n’ishirahamwe ry’Ubumwe bwa Buraya,n’uko ibiganiro vyasubiriye gutangura hagati y’ishirahamwe ry’Ubumwe bwa Buraya n’Uburundi.

willy nyamitwe

Willy Nyamitwe umuhanuzi mukuru mu biro vy’umukuru w’igihugu ajejwe kumenyesha amakuru avuga ko mu biganiro vyabaye,basiguye nk’abaserukira Reta ifise ubumwe bushingiye ku mategeko kandi mu ntumbero y’ibiganiro n’abayifasha igatanga insiguro zifashe.

Willy Nyamitwe yavuze ko mu gihe cose amategeko y’Uburundi abibarekurira,biteguye gushira mu ngiro ibisabwa n’ishirahamwe ry’Ubumwe bwa Buraya.

Ku bijanye n’amakenga y’ishirahamwe ry’Ubumwe bwa Buraya ku bijanye n’amaradiyo yugaye hamwe n’amashirahamwe adaharanira ivyicaro vya politike,Willy Nyamitwe yamenyesheje ko bipfuza ko amatohoza yokorwa vyihuta mu mezi abiri ivyavuyemwo bikaba vyamenyekanye basanze ayo mashirahamwe ata kiyagira akaronka uruhusha kwo gusubira kwugurura.

Mu gihe ishirahamwe ry’Ubumwe bwa Buraya ryerekanye ko ritanyuzwe n’insiguro zatanzwe n’intumwa za Reta y’Uburundi,ku ruhande rwa CNARED bamenyesha ko bashima aho ishirahamwe ry’Ubumwe bwa Buraya rihagaze.

Bamenyesha ko vyari kuba vyiza ishirahamwe rya Buraya rifashe ingingo zikomeye kuko amabi abera mu Burundi asaba inguvu zikomeye.

Facebook Notice for EU! You need to login to view and post FB Comments!