Icegera c’umuvugizi w’umuhari M23 ishami rya Politike, Canesius Munyarugero amenyesha ko ingabo z’uburundi zafatiwe ku rugamba kuri uyu w’Imana mu mirwano ikomeye yabereye muri teritwari ya Masisi, bazosubizwa mu gihugu cabo biciye mu mwumvikano.
Mu kiganiro yahaye kimwe mu kimenyeshamakuru co mu Rwanda gikorera ku buhinga ngurukanabumenyi, PNInfo Rwanda, Canesius Munyarugero avuga ko abo basirikare b’uburundi bafashwe mpiri bahari kandi uwubishaka ngo yoja kubaraba. Yagize ati:« Mu bitigiri barenga umwe,bisigura ko ari benshi,…, ni benshi, naho boba indwi canke cumi, ndazi bazogenda bavuga inkuru ukwo basanze intambwe za Sarambwe zimeze»
Canesius Munyarugero yavuze kandi abo basirikare bafashwe ari bazima, kandi ko ngo basangira ivyo basanganywe abarwanyi ba M23.
«Nagire ndakumenyeshe ko abo bafashwe babayeho nka twe, bararya nka twebwe, baranywa nka twebwe,… ikizokwirikira ni uko bazotaha iwabo kandi neza mu mahoro» Niko Munyarugero yongeyeko avuga.
Tubamenyeshe ko igisirikare c’uburundi ataco kirashima gushikiriza kw’ayo makuru avuga abasirikare babo bafatiwe mpiri muri Congo mu ntambara zabahuje n’umuhari wa M23.
Recent Comments