Umukuru w’Ishirahamwe ry’Ubumwe bwa Afrika, Moussa Faki Mahamat, yakiranye umubabaro amakuru yerekeye abantu b’abimukira bagurishwa icamunara mu gihugu ca Libiya nk’abashumba, niko Ishirahamwe ry’Ubumwe Bwa Afrika ryamenyesheje mu ndwi turaye turangije.
Moussa Faki Mahamat ‘ariyamiriza yivuye inyuma ivyo bikorwa vy’agasuzuguro bitajanye n’ukwubahiriza agateka ka zina muntu’. Umukuru w’Ishirahamwe ry’Ubumwe bwa Afrika akaba yahamagariye abakora ibikorwa vyo kugurisha abantu bwa bashumba kubihagarika vuba bwango, hamwe nuko abagirizwa kubikora borengutswa mu butungane.
Je condamne cette cruauté d'un autre âge en Libye. Ces méfaits de l'esclavage sont le résultat de l’intervention militaire unilatérale de certains pays occidentaux en Libye suite à l'abus des résolutions de l'ONU et au mépris des décisions de l’Union Africaine.
— Pierre Nkurunziza (@pnkurunziza) November 19, 2017
Umukuru w’igihugu c’Uburundi nawe Pierre Nkurunziza, mu butumwa bwiwe bwo kuri Twitter, yiyamirije yivuye inyuma ivyo bikorwa vyo kugurisha abantu aho yamenyesheje ko ivyo bitumwa n’ ‘ingingo zifatwa n’ibihugu vya buraya na Amerika abandi batagishijwe inama hamwe no gusuzugura ingingo zifatwa n’ishirahamwe ry’Ubumwe bwa Afrika’.
Ubutegetsi bwa Libiya bwagirizwa ayo mabi, bukaba bwamenyesheje ko bugiye gutanguza amatohoza vuba bwango.
Recent Comments