Mu bikorwa vy-inama igira 58 y-ubutunzi yabereye I Bujumbura ihuza abashikiranganji bajejwe ubutunzi n-abarongoye amabanki makuru muri Afrika, Umukuru w-igihugu c-uburundi ariwe yuguruye iyo nama, asaba ibanki y-isi yose gutanga uburyo buboneka gusumba ukwo vyahora bwoza buhangana n-ingaruka mbi zitewe n-ikiza ca Coronavirus mubijanye ni vy-ubutunzi.
ˮTuravye n-ingaruka ziriko ziterwa n-ikiza ca Covid-19 kubijanye n-ubutunzi , tukaba tuziko ingingo zo kwirinda ico kiza zitegerezwa gukomezwa . Dusavye ibanki y-isi yose gutanga uburyo buboneka kurusha mu myaka iheze yofasha mu guhangana n-ingaruka z-ico kiza. Mboneyeho akaryo ko gusubira gushimira ku twigoro k-ibanki y-isi yose hamwe n-ikigega c-isi yose mu kworosha mu gutanga ingurane kuri Leta y-uburundi kugira ironke uburyo bukwiye bwofasha Leta kurwanya bikwiye ikiza ca Covid-19‟
Mw-iyo nama mpuzamakungu iriko ibera I Burundi ku murwa mukuru w-ubutunzi I Bujumbura, Umukuru w-igihugu c-uburundi amenyesha imigambi Leta y-uburundi yashize imbere muguteza imbere ubutunzi harimwo ukwubuka kijambere ikivuko ca Bujumbura, kwubaka ibarabara ry-indarayi , kwagura ikibuga c-indege citiriwe Melchior Ndadaye hamwe no kwubaka k-uburyo bwa kijambere isoko ry-ubutunzi . Ikindi,Perezida Ndayishimiye avuga n-uko bishoboka ko ubutunzi bw-ibihugu vyo muri Afrika bwisununura hamwe abo vyega bose boja hamwe bagahanahana ivyiyumviro n-intererano . Akarorero Umukuru w-igihugu c-uburundi atanga ni ukuntu uburundi arongoye ubu bwibayeko inyuma yaho bufatiwe ibihano n-ibihugu rutura bitewe n-indyane za Poritike zo mu mwaka w-2015.
Recent Comments