Nimba wibaza ko impunzi zizohera mumahanga,uzeruke!Nta mpunzi nimwe Imana yemera ko ihera mu mahanga,ibi bishikirizwa N’umuhinga muvyo ubutunzi akaba arongoye ishirahamwe parcem Faustin Ndikumana.
Kubwa Faustin Ndikumana,kunywanisha abarundi Bose n’imwe mu nkingi zikomeye z’imbonakazoza ya 2040-2060.
Umuhinga muvyo ubutunzi akaba anarongoye ishirahamwe Parcem Faustin Ndikumana aratanga zimwe mu nkingi zikomeye zotuma uburundi bugera kuri ya mbonakazoza ya 2040-2060.
Nkuko bishikirizwa n’uwo muhinga muvyo ubutunzi nuko hoba impinduka zikomeye muvyo ubutunzi;Aha hazamwo ibibazo bijanye bijanye n’amafranga mvamakungu,abarwizatunga bazana imitahe mu gihugu.
Kubwa Faustin Ndukumana,uburundi mu karere buza inyuma mu bihugu bihurumbirwa n’abarwizatunga mpuzamakungu bzana imitahe yabo ugereranije n’urwanda,Tanzaniya,Uganda na kenya ibituma uburundi budatera imbere.
Ikindi gikomeye ni kurwanya igiturire mu gihugu hamwe no gushiraho intwaro ibereye.
Kunywanisha abarundi Bose n’imwe mu nkingi z’imbonakazoza,kubwa Faustin Ndikumana abahutu,abatutsi n’abatwa ntanumwe akwiye gukumirwa mu gihugu ciwe kuko n’Imana yahamushize.Asaba leta kunywanisha abarundi itavanguye.
Agira ati:”Umuhutu,umututsi n’umutwa Bose n’abarundi,Imana yabashize mu burundi.nimba wibaza ko uzobakumira uzeruke!”.
Kuvyerekeye impunzi ziri hanze y’igihugu,Uwo arongoye Parcem avuga ko bari bakwiye gutahuka bagateza imbere igihugu cabo.
Agira ati:”nimba wibaza ko impunzi zizohera mu mahanga,uzeruke!nta na rimwe Imana yemera ko impunzi ihera mu mahanga!”.
Uwo muhinga mu vyo ubutunzi avuga ko afise vyinshi yoterera bigatuma igihugu kizamuka mbere asaba leta kumuhamagara cane cane umushikiranganji muvyo ubutunzi kugira atange intumbero uko igihugu coshika kuri ya mbonakazoza ya 2040-2060.
Recent Comments