UBM News ads UBM News ads
Sunday, April 21, 2024
No menu items!
UBM News ads UBM News ads

Malawi= Ubutungane bwahagaritse ingingo ya Leta yo kurungika mw-ikambi ya Dzaleka impunzi zose ziba mu gisagara.

Kibasumba Beauty Online Store UBM News ads

Inyuma yaho ikiringo cari catanzwe na Leta ya Malawi  ku mpunzi zose  ziba mu muji wa Lilongwe cari kigire kirangire, Ubutungane bw-ico gihugu  k-umugoroba wo kuruwu wa kabiri bwatangaje ko buhagaritse ingingo ya Leta  yo kurungika mw-ikambi  impunzi zose ziba mu bisagara.UNHCR registers over 41,000 people in congested Dzaleka Refugee Camp | United Nations in Malawi

Ubwo butungane bw-ico gihugu bumenyesha kandi ko bwisunze imvo nyishi kugira hafatwe iyo ngingo ndetse  ko habayemwo n-iyubahirizwa ry-amategeko agenga impunzi kw-isi. Iyo ngingo ishitse mu gihe  impunzi nyishi zari zamaze gusubira mw-ikambi ya Dzaleka zari zasabwe kujamwo izindi nazo zari zamaze kuva muri Malawi zihungira mu  gihugu ca Mozambique.

Ikinyamakuru co mw-ico gihugu Malawi 24 kimenyesha ko Leta yari yamaze  kurungika abapolisi mu bice bitandukanye vy-igihugu mu gushira mu ngiro iryo tegeko yari yatanze kw-izo mpunzi.

Tubamenyeshe ko impunzi ziba mu muji wa Lilongwe zigera mu bihumbi amajana zikaba nka zose zikorera urudandazwa murizo harimwo abarundi n-abanyarwanda aho bivurwa ko abanyagihugu bo mw-ico gihugu batari baraba ryiza izo mpunzi bitumwe ko bazifata nk-zifise amahera menshi zikura mw-urudandazwa zikora ninaho ngo hoba havuye iyo ngingo ya Leta  yo kuzirungika mw-ikambi ya Dzaleka kuko abo banyagihugu bari bamaze kubisaba Leta ko izo mpunzi zibatwara uburonderero bw-amafaranga ndetse hakaba hari hamaze iminsi hakorwa ibitero, n-ubusuma vyakorerwa ku banyamahanga bakora ubucuruzi mw-ico gihugu.

 

RELATED ARTICLES
UBM News ads
- Advertisment -

Most Popular

Recent Comments