Abantu bagera kuri batatu b-abakehabwenge barishwe muri aya amezi abiri mu buryo budasobanutse muri komine Mabanda iri mu ntara ya Makamba. Abakoze ubwo bwicanyi bakaba bataramenyekana. Abanyagihugu bo mw-iyo komine bakaba bikeka ko ubwo bwicanyi bwoba bufitaniye isano n-ivyo kuraguza.
Abo bishwe bari basanzwe bazwi cane ku murwa mukuru wa komine Mabanda, abo n-abo ni abitwa: Jérémie, Ntisinzira hamwe n-uwundi mugore yitwa Ntisinzira bose bishwe ukuntu kutumvikana.
Nkuko tubisoma mu kinyamakuru Sos Médias Burundi, Abo bamaze kwicwa boba bishwe n-abantu bibaza ko boca batunga mu gukoresha ibihimba vy-irondoka, amabere, co kimwe n-igitereko bakuye ku bantu b-abakehabwenge.
Amakuru ava mu banyagihugu bo mw-iyo komine akabandanya yemeza ko hari abandi bantu bafise ibimenyetso nk-ivyo babuzwe irengero hakaba haciye imisi mikeya. Gushika uy-umusi ntawuziko abo bantu boba bakiriho.
Recent Comments