Urunani rw-abashingwamanza baburanira imiryango y-abakorewe ivyaha mu Burundi bihanwa na Sentare mpuzamakungu CAVIB , mu mwihwezo rwaraye rushize ahabona kuri uyu wa gatanu, rumenyesha ko Leta y-uburundi iriko ihonyanga uburenganzira bwa kiremwa muntu mukutubahiriza amategeko mpuzamakungu araba ibijanye n-amagara y-abantu muri iki gihe isi yose ihanganye n-ikiza ca Coronavirus aho bigaragara ko Leta y-uburundi ata ngingo nimwe imaze gufata iboneka kugira harwanywe ico kiza.
Icegera c-uwurongoye CAVIB asigura ko hari amabwiriza Leta y-uburundi iriko iguma yirengangiza nko:gushiraho amategeko yose ajanye no kwikingira uwo mugera hamwe gucandaga abantu kugira abantu babarinde ugusinzikazwa n-umugera wa Coronavirus. Emmanuel Nkengurutse avuga ko ivyo vyose bidakozwe Abategetsi b-uburundi bashobora kuzobibazwa imbere y-ubutungane mpuzamakungu.
ˮTwihweje ingingo Leta y-uburundi ingingo imaze gufata kugira irwanye umugera wa Coronavirus, hariho mabwiriza Leta iriko irirengangiza nko dutegekanya uburyo bukwiye mu gisata c-amagara y-abantu mw-ibwiriza Leta ishinga amahera ikoresha ku mwaka, Leta yongereje uburyo mw-ico gisata ibice 2% mu gihe ibiro vy-umukuru w-igihugu ubwo buryo bwongerejwe ibice birenga 40%, ucubona ko igisata c-amagara y-abantu Leta itacitayeho na gato kandi iyo ˮbudget‟ yakozwe iyo ngwara yaramaze kwibonekeza kw-isi yose. Ikindi Leta yirengagiza ni igihe cose hadutse ingwara zandukira, Yategerezwa kwihutira guha incanco zikingira izo ngwara. Ariko Leta yarirengagije iryo bwirizwa yitwaje koi zo nkingo zirikozirakoreshwa kw-isi zitaremezwa burundu na OMS. Ariko ikizwi ndetse vyemezwa n-abahinga muvy-amagara y-abantu, nuko urucanco ariwo muti urama wo guhagarika irandagata ry-iyo ngwara no kurinda ko imara inganda. Kubw-ivyo, Turagabisha Leta y-uburundi hamwe itofata ingingo zibereye hakaba inganda zitikira , izobibazwa imbere y-amakungu, kandi n-ababigize ku giti cabo bashobora kuzobibazwa imbere y-ubucamanza‟ Bivurwa n-umushingwamanza Emmanuel Nkengurutse ,icegerera c-urunani CAVIB.
Urunani CAVIB rusaba Leta y-uburundi kudasubira gufata minenerwe ingwara ya Coronavirus ihanze isi nk-uko ishirahamwe mpuzamakungu OMS ryabitanganje, igakwirikiza amabwirizwa asanzwe ari mu masezerano mpuzamakungu.
Recent Comments