Abanywanyi b-umugambwe w-abadasigana UPRONA bariyamiriza inzego z-uwo mugambwe zihari ubu ko zidakwirikije amategeko kuko ikiringo c-izo nzego carangiye mu mwaka w-2019. Abari hejuru y-abo banywanyi bariko biyamiriza izo nzego z-umugambwe haza Ambassadeur Isidore Mbayahaga, Anicet Niyonkuru na Gaston Sindimwo yigeze kuba icegera ca mbere c-umukuru w-igihugu.
Nk-uko bimenyeshwa na Isidore Mbayahaga , umwe mw-abo badasigana asaba ko hatorwa izindi nzego z-umugambwe, ibibazo biri m-umugambwe wabo bizotorerwa inyishu mu biganiro no gushiraho inzego nshasha zumvikanyweko na bose.
Inyuma y-inamay-abarongoye umugambwe mu ntara, uburongozi bw-uwo mugambwe bwari bwashikirije kur-uyu wa gatanu ko ko bugiye gusuzuma ingingo zofatirwa abadasigana Gaston Sindimwo, Isidore Mbayahaga na Anicet Niyonkuru.
Abo bagirizwa kugira inyifato mbi m-umugambwe wa RWAGASORE bari bitwaye m-ubushikiranganji bw-intwaro yo hagati mu gihugu. Ubwo nabwo bukaba bwahavuye buhagarika amakoraniro y-uwo mugambwe k-urwego rw-amakomine kuva mu mpera z-ukwezi kwa kane guheze. Ubwo bushikiranganji bwasiguye ko itunganywa ry-ayo makoraniro ryahonyanze amategeko agenga uwo mugambwe.
Recent Comments