Ishirahamwe PARCEM, ryishinze gukangurira abarundi guca urwevu hamwe no guhindura ingendo kugira bashike kw-iterambere rirama rimenyesha ko ribabazwa no kubona amasoko ya Leta adatanga umwimbu ushimishije kuko atangwa habayemwo ka mwana wa mama.
Faustin Ndikumana arongoye iryo shirahamwe asigura ko ayo masoko ya Leta kenshi atangwa n-abashikiranganji ku rwego rw-igihugu canke ba musitanteri ku rwego rw-imitumba, maze agahabwa abantu badafise ubushobozi n-ubuhinga bwo kuvyaza umusaruro mu migambi baba bashikirijwe kurongora. Hampande y-ivyo, kudatanga umuco mu burusho bureuriwe inzego zimwe zimwe za Leta ziri mu bituma bamwe bikika mu kiza mukunyonyeza itunga rya Leta.
Uwo arongoye PARCEM asigura ko ivyo biri mu bituma uburundi budashika kw-iterambere nyezina, abanyagihugu bakaguma mu bukene .
Faustin Ndikumana yabivugiye mu kiganiro yahaye abanditsi n-abamenyeshamakuru kuri uyu wa kane mu gihe buri mwaka kw-igenekerezo rya 9 kigarama amakungu ahimbaza umusi wahariwe kurwanya igiturire.
Recent Comments