Umunyamabanga mukuru w-umugambwe CNDD-FDD , Hon. Réverien Ndikuriyo yaraye asubiriye guhamagarira abantu mu mabi y-ubwicanyi. Mw-ijambo yavugiye mu ngoro y-uwo mugambwe mu masengesho atunganywa n-uwo mugambwe arangiza ukwezi, yashikirije ko uwo wese yoba ashaka kudurumbanya igihugu ari ukumucisha ku buhomba .Ivyo bamwe n-abandi babona yuko ayo majambo yama yatangajwe n-uwo mutegetsi ateye isoni ko kandi harimwo no kwinjirira inzego z-ubutungane n-iz-umutekano ku kazi kazo.
Mw-ayo masengesho yariko atunganywa n-uwo mugambwe , Ndikuriyo ati :« … Mugabo uvyonze kabisa bakore! Si bibi ni ugukingira igihugu , igihugu kirakingirwa! (…) Uje guhungubanya inzego z-umutekano none barakunyarutsa!»
Mu kwezi kwa Nyakanga umwaka wa 2019, uumunyagihugu wo muri komine Matana, intara ya Bururi batazira «kaburimbo» yagandaguwe bunyamaswa n-igipolisi kw-itegeko rya Réverien Ndikuriyo ico gihe akaba yararongoye inama nkenguzamateka. Uwo mutegetsi akaba yari yemeye ko uwuzofata uwo munyagihugu canke akazana umutwe wiwe azomuronsa imiriyoni zitanu z-amarundi nk-agashimwe.
Mu mwaka wa 2015, Uwo arongoye umugambwe CNDD-FDD iki gihe, yahamagariye abajejwe umutekano barikumwe n-urwaruka rw-imbonerakure rwegamiye uwo mugambwe nyene hari muri zone ya Musaga mu bumanuko bw-igisagara ca Bujumbura guhaguruka bagakora mukurwanya abariko biyamiriza ikiringo ca gatatu c-umuhisi Petero Nkuruniza maze ngo baronke ama «parcelles» yo kwubakamwo.
Abatari bake mu barundi bakaba baguma banegura amajambo ashikirizwa n-uwo munyacubahiro kuko kubwabo «ateye isoni». Mu gihe mu gihugu c-uburundi atacaha co kwica kikihari , babona ko ubutungane ariko kazi kabwo ko gucira imanza uwo wese yo kwagirwa icaha icarico cose hakumucisha ku buhomba nkuko Ndikuriyo yama yabitangaje akatari gake.
Recent Comments