Intumwa yamaho y’uburundi mw’ishirahamwe mpuzamakungu ONU Elissa Nkerabirori asaba ONU gufatira ingingo ruhasha urwanda n’umuhari M23 bakava mu burere bwose bwa kongo bihagiye ku nguvu.
Nkerabirori ati:” Haciye imyaka 10 twereka akanama ka ONU ko urwanda rushigikira imihari y’inkorabara yica abanyagihugu bacu,harageze ko bihagara.”.
Mu nama nkuru ya ONU y’agateka kazina muntu yabereye i Geneve ejo ku wa gatanu,uburundi bwasavye ko hafatwa ingingo zikomeye ku bibera mu buseruko bwa kongo harimwo nuko ingabo z’urwanda n’umuhari M23 bava mu burere bwose bihagiye ku nguvu.
Elissa Nkerabirori aserukira uburundi muri ONU,avuga ko Ubuseruko n’ubumanuko bwa kongo bwabaye isibaniro ry’indwano imaze guhitana ibihumbi vy’abakenyezi n’abana,abarenga imiliyoni nabo bateshejwe izabo bivuye kuntambara z’umuhari m23 ushigikiwe n’urwanda.
Nkerabirori yemeza ko haciye imyaka 10 bereka aka nama ka ONU kajejwe agateka ka zina munt i Geneve ko urwanda arigo ruri gushigikira imihari y’intagondwa yica igahungabanya umutekano mu karere ko hageze rero ko hafatwa ingingo ruhasha urwanda n’umuhari m23 bakaba mu burere bwose bigaruriye.
Recent Comments