Cibitoke: Imbonerakure zababa 600 zivuye mu bundi burere zarikozweko kugira zije gufasha gutuza abarwanyi b’abanyarwanda bari mu kibira.

Kuva ku musi w’Imana w’indwi twasozereye, Urwaruka rw’imbonerakure (Urwaruka rwegamiye umugambwe CNDD-FDD) rwababa 600 rwarikozweko n’abajejwe umutekano hamwe n’abajejwe intwaro kugira rujanwe muri komine ya Mabayi gutuza imirwi y’abarwanyi ivuga ikinyarwanda icumbikiye mw’ishamba cimeza rya Kibira. Nkuko tukesha iyi nkuru ikinyamakuru Sos Médias Burundi, Izo mbonerakure ngo zakuwe mu ntara zine arizo :Cibitoke, Bubanza , Bujumbura –rural hamwe no mu gisagara ca Bujumbura.