Buramatari w’intara ya Gitega yabujije ababuriye kw’ishure Lycée Kibimba kunamira ababo. Mwiyumvira ko baburijwe iki ?

Ivyo bikaba bibaye ubwambere aho abavyeyi bababuze ababo kw’ishure ryo mu Kibimba iri muri komine Giheta. Abanyeshure bashika 150 bomu bwoko bw’abatusti bakaba baciye baturigwa itariki 21 gitugutu 1993 Perezida Ndadaye yari mu bwoko bw’abahutu baraye bamugandaguye. Hakaba hakoreshejwe igitoro aho bari begeranijwe. Uwarongoye iryo shure yaciye acibwa urubanza rwo gupfa.

Kur’uyu wa kabiri abababuriye ababo kuriryo shure niho baronka iterefone ya buramatari w’intara ya Gitega, Venant Manirambona, ko badashobora kuja gushira ingori z’amashurwe kucibusto kiri hafi y’iryo shure kiboneka uciye kw’ibarabara numero ya mbere muri zone ya Kibimba.

Abo bavyeyi bakaba bataronse insiguro y’igituma urwo rubanza rwasibijwe.