Murugendo yakoze uno musi ku kivuko ca Bujumbura, umushikiranganji w-ubudandaji ,amahinguriro n-ingenzi Immacule Ndabaneze yamenyesheje ko atagikozwe ibara rirarwa m-umwanya muto ku kivuko ca Bujumbura, kifatwa nk-umutwe w-ubutunzi bw-igihugu c-uburundi.
Immacule Ndabaneze yaburiye abakorera mw-ico kivuko ko hasigaye isantimetero 50 kugira amazi y-ikiyaga ca Tanganyika ashware ikibanza kikomeye kishikiramwo ibidandazwa biba bivuye hanze y-igihugu.
Nk-umuti wihuta kw-ico kibazo, uwo mushikiranganji yamenyesheje ko amafaranga y-amarundi agera ku miriyaridi zibiri niyo akenewe vyihuta kugira ikivuko ca Bujumbura kikingirwe iduga ry-amazi y-ikiyaga ca Tanganyika.
Recent Comments