Inomero za terefone z-abagize Leta y-uburundi zashizwe ahabona kugira vyorohere ababitura.

Inomero za terefone z-abashikiranganji bose bagize Leta y-uburundi zashizwe ahabona. Ni inyuma yaho umukuru w-igihugu c-uburundi, Varisito Ndayishimiye abitegetse kuri uyu wa gatatu igenekerezo rya 29 kigarama 2021 mu kiganiro kidasanzwe yagiranye n-abamenyeshamakuru hamwe n-abanyagihugu mu kibuga c-umupira w-amaguru citiriwe INTWARI.

Icatumye izo nomero zishirwaho ni inyuma yaho Perezida Ndayishimiye yidogeye mw-ico kiganiro ko bitumvikana ko abanyagihugu bogira inomero yiwe igihe yarahejeje kuyitanga ku mugaragaro ariko ntibagire iz-abagize Leta yiwe. Niko guca ategeka umuvugizi wiwe kugira vyihutirwe gukorwa maze izo nomero zimenywe n-abanyagihugu bose b-uburundi.

Twobamenyesha ko no mu gihugu kibanyi c-urwanda hasanzwe hari itegeko rivuga ko umutegetsi wese ategerezwa gushira inomero ya terefone yiwe ku muryango waho asanzwe akorera  maze bize vyorohera abaza babitura.