Perezida Ndayishimiye avuga ko ONU atariyo yemeza ihonyabwoko ryakorewe abahutu mu 1972.

0

Umukuru w-igihugu c-uburundi amenyesha ko atari ishirahamwe mpuzamakungu ONU rijejwe kwemeza ihonyabwoko ryakorewe abarundi bo mu bwoko bw-abahutu mu mwaka w-1972 kuko ku bwiwe, ngo igihugu c-uburundi ni igihugu cikukiye gifise amategeko , kigendera ku mategeko . Nico nyene kiraba ingene amategeko aja mu nzira , uwuyarenzeko maze agahanwa. Perezida Ndayishimiye yabishikirije kuri uyu wa gatatu igihe yariko yishura ku kibazo kijanye nuko ishirahamwe mpuzamakungu ONU ariryo ryoba rigiye kwemeza canke rigahakana ubwicanyi bwabaye mu mwaka w-1972 ko ari ihonyabwoko.Image

Evariste Ndayishimiye asigura ko igitabo mpanavyaha c-uburundi gihana neza ihonyabwoko , «amakungu siyo mucamanza  wuburundi »niko abandanya asigura. Kubwiwe akavuga ko ivyo arivyo abantu bama bihenzeko. Yagiriyeko yiha akabazo kavuga uku :«Ubu rero umuntu yagirijwe ubwicanyi , umuntu yahohotewe hanyuma ubutungane bugafata uwamuhohoteye, none amakungu niyo azoza kuraba ko habaye torture ?»