Abasarikare b-uburundi barenga 250 bo mw-ikambi ya 212 y-abakomando bari ku butaka bwa Repubilika iharanira intwaro rusangi ya Congo kuva ku musi wa kane w-indwi twaraye dusozereye. Abo basirikare bakaba binjiye mw-ico gihugu kugira bagerageze kurwanya burundu abarwanyi b-umuhari RED TABARA, watangaje ko uhisemwo kurwanya Leta y-uburundi ukoresheje ibirwanisho.
Ivyo vyo kwinjira kw-abasirikare b-uburundi ku butaka bwa Congo bishitse inyuma yaho bamwe mu bategetsi mu gisirikare bahigiye ko bategerezwa kwihora kuri bagenzi babo baheruka kuhasiga ubuzima mu gitero cakozwe kikongera kikemangwa n-umuhari RED TABARA cabereye muri Zone Gatumba ku rubibe rw-uburundi hamwe na Republika iharanira intwaro rusangi, hari mw-ijoro ryo kuri uyu w-Imana rishira uwa mbere w-indwi yarangiye.
Mu birori vyo kwipfurizwa umwaka mushasha n-abari mu nzego z-umutekano, Umukuru w-igihugu c-uburundi Varisito Ndayishimiye yamenyesheje yongera asaba inzego z-umutekano ku kwama zirikanuye kuko ku bwiwe ngo abarwanyi b-umuhari RED TABARA bagabirije kugira bakore ibitero ku gihugu c-uburundi .
Recent Comments