Mu nama yakoresheje indongozi z-amashengero zo mu gisagara ca Bujumbura kuri uyu wa kabiri, Umushikiranganji w-intwaro yo hagati mu gihugu yazisavye kwisuganya kugira ibibazo biri mu mashengero zirongoye kuba vyatorewe umuti imbere y-uko uw-umwaka w-2021 urangira.
Gervais Ndirakobuca yabivuze uku:«mwisuganye abafitaniye ibibazo mwese mubikemure imbere yuko umwaka urangira. Nta bibazo dukeneye kwumva mu mwaka uza»
Umushikiranganji Ndirakobuca yarongeye amenyesha ko amadini yose akora atemewe agiye kwugarwa vyihuta . Kuvyerekeye abafise imanza zacitse ku bibazo bafitaniye, yabibukije ko bategerezwa gukurikiza aho intahe yashize mu maguru masha. Ikindi, kubo amadini abarongozi bayo bari mu mahanga canke atari abarundi , yabibukije ko bategerezwa gushiraho abarundi kandi baba mu burundi.
Tubamenyeshe ko Umushikiranganji w-intwaro yo hagati mu gihugu yaheruka kunegura umuvuduko udasanzwe w-ishingwa ry-amadini mu Burundi ugezeko ndetse yagiriyeko asaba abo barongoye amadini kuja gukora imigambi y-iterambere ishingiye ku burimyi n-ubworozi.
Recent Comments