Igihugu ca Leta Zunze ubumwe za Amerika cakuyeho kuri uyu wa 18 Munyonyo 2021 ibihano cari cafatiye igihugu c-uburundi mu mwaka w-2015. Iyo ngingo ikaba yafashwe na Perezida Joe Biden .
Nkuko tubisanga k-urubuga rw-ibiro vy-umukuru w-igihugu Joe Biden, nuko imvo yatumye umukuru w-igihugu wa Leta Zunze ubumwe za Amerika ahagarika ivyo bihano harimwo no gushira uburundi ku rutonde rw-ibihugu bibangamiwe,ari uko igihugu c-uburundi kiriko kitera intambwe nziza kandi iboneka mu bijanye no gutsimbataza amahoro n-umutekano.
Mw-iryo tangazo, Perezida Joe Biden amenyesha kandi ko ashima ukuntu urubuga rwa politike rwifashe neza kuva inyuma y-amatora yo muri Rusama 2020. Arongera agashima muri rusangi uburongozi bwa Perezida Varisito Ndayishimiye hamwe n-ivyo amaze kurangura kuva ashitse ku butegetsi muri Ruheshi umwaka w-2020.
Recent Comments