Nkuko tubikesha iradiyo y-ijwi rya Amerika, kuruwu wa gatatu, umukuru w-igihugu wa Leta zunzubumwe za Amerika Joe Biden yategetse ibigo vya Leta kwongereza inguvu mu gutororokanya no gusuzuma neza amakuru ashobora kubashikana ku mamuko y-umugera wa coronavirus, umugera umaze guhonya isinzi ry-abantu kw-isi aho abantu bashika imiriyoni 3 n-ibihumbi amajana ane 400 aribo bamaze gupfa kw-isi murabo abagera ku bihumbi 600 ni abo muri Leta Zunzubumwe za Amerika.
Ivyo bishitse mu gihe hamaze imisi hiyongera urukurukuru ko Covid19 yoba yaturutse m-ububiko bwa Raboratware yo mu gihugu c-ubushinwa. Perezida Joe Biden yasavye ibigo bijejwe amaperereza kuzomuha ivyo bazobabatohoje mu misi 90. Ni inyuma yaho kandi icegeranyo yaheruka guhabwa uy-umwaka avuga ko ata gifadika cerekanye.
Tubibutse ko Abategetsi ba Amerika bamaze amezi badakorana neza n-igihugu c-ubushinwa ku kumenya neza aho umugera wa covid19 waje uturuka.
Ishirahamwe mpuzamakungu riraba ivy-amagara y-abantu kw-isi OMS ryoryo n-ubu ritegura kugira irindi tohoza ku mamuko y-ico kiza ruhonyanganda kw-isi ariko iryo shirahamwe riranegurwa cane ko ryanse kwemera ko uwo mugera wa covid19 watorotse uva mu kigo c-ubushakashatsi ca kaminuza ya Wuhan iri mu gihugu c-ubushinwa.
Recent Comments