Igihugu c-uburundi cashizwe ku mwanya wa mbere w-ibihugu mirongo ibiri na kimwe bikenye cane kw-isi mw-uw-umwaka turimwo wa 2022. Hafatiwe ku mwimbu umunyagihugu umwumwe wese aronka buri mwaka, Abanyagihugu b-uburundi basanze boronka amadorare y-abanyamerika 269 (269$). Biri mu cegeranyo cama gisohorwa buri mwaka n-ikinyamakuru Statista.com ku bijanye ukwo ibihugu vyo kw-isi vyagiye bisumbasumbana mu butunzi hamwe no mu bukene. Mw-urwo rutonde, Uburundi bukwirikirwa n-ibihugu vya Sudani y-epfo hamwe na Somaliya.
Urwo rutonde rw-ivyo bihugu bikenye cane kw-isi (hamwe n-amadorare y-abanyamerika umunyagihugu wese w-ivyo bihugu aronka )rumeze uku: 1.Burundi :269 $ 2.Sudani y-epfo:313$ 3. Somaliya: 369$ 4. Mozambique:506$ 5.Madagascar:531$ 6.Malawi:543$ 7.Sierra Leone:551$ 8.Centrafrika:557$ 9. Yemen:587$ 10.RDC: 622$ 11.Niger :661$ 12.Tchad:743$ 13.Liberiya: 743$ 14.Sudani:809$ 15.Rwanda:832$ 16.Gambiya:846$ 17.Tadjikistan:890$ 18.Guinée-Bisau:907$ 19.Burkina Faso:988$ 20.Uganda:1074$ 21.Togo:1075$
Twobamenyesha ko ikiboneka mw-urwo rutonde rw-ibihugu bikenye cane mu mwaka wa 2022, n’uko ibihugu nka vyose bituruka ku mugabane wa Afrika kiretse ibihugu vya Yemen na Tadjikistan. Igihugu c-uburundi kiba kimaze imisi kiza mu kibanza ca mbere mu bihugu bikenye kw-isi nkuko tubisanga mu vyegeranyo bitandukanye bisohorwa n-amashirahamwe mpuzamakungu akorera mu gisata c-ubutunzi nk-ibanki y-isi yose , ikigo FMI n-ibindi,…
Recent Comments