Abahinga muvy-ubuvuzi mu gihugu ca Tanzaniya bamenyesha ko kurwanya umugera wa Covid-19 muri ico gihugu bigiye kuba amananiza bitewe n-ubundi bwoko bushasha bw-ico kiza bwaraye butowe ku batanzaniya babiri.
Nkuko tubishikirizwa n-ikinyamakuru The Citizen co mu gihugu ca Kenya, Abo bajejwe amagara y-abantu mw-ico gihugu bavuga kandi ko ubwo bwoko bushasha bushobora kwiha inkumbi nyrirya benshi mu banye tanzaniya barahiye kwiteza urucanco rwa Covid-19.
Ari mu nama yo guhimiriza abarwaye Cancer ngo biteze urucanco rwa Covid-19, Uwurongoye kaminuza y-i Buhimbiri aho muri Tanzaniya, yamenyesheje ko inzira yo nyene yofasha kurwanya ubwo bwoko bushasha bw-ako karanda ari ukwiteza urucanco rwa Covid-19 , ivyo ariko bikaba bititaweho n-aba Tanzaniya. Mu gihe rero abo batanzaniya batowe ubwo bwoko bushasha bwa Covid-19 igihe bariko bagana mu gihugu ca Angola, Abasanzwe bakora ingendo muri Tanzaniya n-uburundi bavuga ko n-uburundi bugeramiwe kubera uruja n-uruza rw-ingendo z-abanyagihugu ziguma zikorwa hagati y-uburundi na Tanzaniya ata nkomanzi.
Recent Comments