Tuesday, December 6, 2022
HomeInternational newsRepublika iharanira Demokarasi ya Congo yahawe Uburenganzira bwo kwinjira muri EAC.

Republika iharanira Demokarasi ya Congo yahawe Uburenganzira bwo kwinjira muri EAC.

Republika iharanira intwaro ya rusangi  ya Congo yaraye ihawe uburenganzira bwo kwinjira mu muryango w-ibihugu vya Afrika y-ubuseruko EAC. Ni inyuma y-Inama igira 44 y-abashikiranganji bo mw-uwo muryango irongowe n-umunyamabanga w-umunye Kenya  Adan Mohamed ,ajejwe ivyo kwinjira  n-iterambere mw-uwo muryango yarakoranye kuri uyu 21 Munyonyo 2021 i Arusha mu gihugu ca Tanzaniya.East Africa: Tshisekedi Yearns for DRC to Join EAC - allAfrica.com

ˮInama igira 21 y-abakuru b-ibihugu bagize EAC yabaye kuwa 27 Ruhuhuma 2021 yarategetse inama y-abashikiranganji  bo mw-uwo muryango kwihutira Kusuzuma ibisabwa n-ama Leta canke ibihugu vyipfuza kwinjira muri EAC‟ Nikwo tubisanga mw-itangazo ry-iyo nama nshikiranganji iheruka gukoranira i Arusha.

Nkuko tubikesha ikinyamakuru The East African gikorera mu gihugu ca Kenya, Umurwi ujejwe gusuzuma ibisabwa kugira igihugu cinjire mw-uwo muryango waheruka ku magenekerezo ya 26 Ruheshi gushika kuwa 5 Mukakaro 2021 i Kinshansa ku murwa mukuru wa RDC gushika kwirabira ko ico gihugu coba canke kidakwije ibisabwa n-umuryango wa EAC mu bijanye no kwinjira mw-uwo muryango usanzwe ugizwe ubu n-ibihugu bitandatu.

Icegeranyo c-iyo nama nshikiranganji kiratomora  neza ibituma ico gihugu ca Congo cokwemererwa kikinjira mw-uwo muryango kubera ko gihana imbibe n-ibihugu  bitanu bisanzwe biri mw-uwo muryango. Ivyo navyo ni : Rwanda, Tanzaniya, Burundi, Uganda hamwe na Sudani yo mu bumanuko.

Ingingo yo kwemeza ku mugaragaro Republika iharanira intwaro rusangi nk-igihugu kibaye  ic-indwi kigize EAC,  igiye kuzofatwa n-inama y-abakuru b-ibihugu bigize uwo muryango yimirije gukorana vuba.

 

Must Read

RDC: M23 yemeye guhagarika intambara no gusubira ku birindiro vyayo vya...

0
Umuhari M23 wemeye guhagarika intambara ndetse no kurekura ibice vyose uherutse kwigarurira biri mu buseruko bwa Congo, mu ntara ya Kivu y’uburaruko. Itangazo ryo kuri...