RED TABARA iremanga igitero cabaye mu Gatumba ikanemeza ko yishe abasirikare n-abapolisi 12.

Umuhari RED TABARA urwanya Leta y-uburundi ukoresheje ibirwanisho uremanga ko ariwo waraye ukoze igitero  muri zone Gatumba, komine Mutimbuzi ni ku rubibe uburundi buhana na Congo iharanira intwaro rusangi(RDC) wica abasirikare b-uburundi batanu hamwe n-abapolisi indwi.

Ubicishije ku rubuga rwa Twitter, Uwo muhari utangaza ko wagize ico gitero igihe warugiye gutabara bagenzi babo bariko barasahurwa n-abo bajejwe umutekano. Mu gipolisi c-uburundi ntibahakana ivyerekeye ico gitero ariko ntibaravuga ivyahononekariye.