Umunya Kenya Salim Mohamed, ajejwe kwamamaza ibikorwa vy-umuhari w-iterabwoba ADF ku mbuga ngurukana bumenyi, yarahagaritswe kuri uyu wa gatanu n-abasirikare ba Republika iharanira intwaro rusangi ya Congo. Bikaba vyabereye mu kwigati ca Muntumbi , ni mu gace ka Kazaloho , muri Beni (mu ntara ya Kivu y-uburaruko).
Nkuko bivurwa n-abanyagihugu bo mu karere ka Beni kasinzikajwe n-ibitero vya ADF, bamenyesha ko Salim Mohamed yagiye aboneka mu masanamu menshi yamamaza ibikorwa vy-iterabwoba bikorwa na ADF harimwo ukwerekana uguca imitwe abanyagihugu benshi b-inzirakarengane bagiye barafatwa mpiri n-uwo muhari bo mu burere bwa Béni, Irumu, na Mambasa, mu ntara za Kivu z-uburaruko hamwe no mu gace ka Ituri.
Tubamenyeshe ko mu ntango z-ukwezi kwa Nzero 2022, uwundi mutegetsi akomeye wa ADF yarahagaritswe n-abajejwe umutekano ba Congo ku butaka bwa UVIRA ni mu ntara ya Kivu y-ubumanuko . Benjamin Kisokeraniro yarajejwe igendereza muri uwo muhari ONU yise ko ari uw-iterabwoba. Akaba yafashwe ashaka kwinjira mu gihugu c-uburundi abanje gukoresha impapuro za magendo nkuko tubikesha ikinyamakuru Sos Médias Burundi,kisanzwe candikira ku rubuga ngurukanabumenyi.
Recent Comments