Umukuru w-iugihugu ca Ukraine Volodymyr Zelensky amenyesha ko yiteguriye kuganira na mugenzi we w-uburusiya Vladmir Putin kugira intambara imaze indwi zitatu zirenga ihuza ivyo bihugu bibiri ihagarare. Ariko Zelensky akagabisha ko intambara ya gatatu y-isi ishobora kwaduka hamwe ivyo biganiro ataco vyovamwo.
Ariko abivugira ku kinyamakuru ca Leta Zunze ubumwe za Amerika , CNN, Perezida Zelensky ati :« Nditeguye kugiriranira ibiganiro na Putin, ariko hamwe ivyo biganiro ataco vyovamwo ,bisigura ko intambara ya gatatu y-isi ishobora kwaduka»
Tubibutse ko kuva intambara itanguye muri Ukraine hari kuwa 24 Ruhuhuma 2022, Abanyagihugu barenga imiriyoni zitatu baramaze guhunga iyo ntambara , Abashika imiriyoni icumi nabo barataye izabo, abasivire 902 nabo baramaze kuhasiga ubuzima, abarenga 1400 bakaba barakomeretse, nkuko tubishikirizwa n-ishirahamwe mpuzamakungu ONU. Ariko rero, ONU ivuga ko ivyo bitigiri bishobora kuba ari bike cane kuko bigoye gutororokanya ibitigiri vyukuri vyoba bimaze kuja ahabona.
Recent Comments