UBM News ads UBM News ads
Thursday, June 20, 2024
No menu items!
UBM News ads UBM News ads

Perezida Ndayishimiye asaba Tanzaniya ko imufasha kurwanya Umurwi urwana urongowe na Alexis SINDUHIJE.

Kibasumba Beauty Online Store UBM News ads

Umukuru w-igihugu ca Tanzaniya Umupfasoni Samia Suluhu Hassan yarakiriye kuri uyu wa gatanu  mugenzi we w-uburundi  mu gisagara ca Dodoma , ku murwa mukuru wa politike w-ico gihugu. Bakaba baciye bagiriranira umubonano mw-ibanga. Inyuma y-uwo mubonano, Umukuru w-igihugu c-uburundi Varisito Ndayishimiye amenyesha ko yipfuza ko igihugu ca Tanzaniya cofasha uburundi   mu kurwanya umurwi w-iterabwoba avuga ko urongowe n-umunyepolitike  Alexis SINDUHIJE asanzwe ari mu buhungiro kuva mu mwaka w-2014.Image

Umukuru w-igihugu c-uburundi ati :

ˮHari umurwi urwana urongowe na Alexis Sinduhije , ni uw-iterabwoba  mu karere kacu , barabangamiye umutekano w-abanyagihugu  mudufashe kubarwanya‟

Perezida Varisito Ndayishimiye abandanya asaba ubufasha igihugu ca Tanzaniya mu bijanye n-ivyo  gukurwako ibihano vy-ubutunzi uburundi bwafatiwe n-ubumwe bwa buraya, ivyo kwinjizwa mu muryango wa SADEC hamwe nugutahukana z-abarundi zahungiye mw-ico gihugu.

ˮMwaratwemereye kudufasha kugira uburundi bwemererwe kwinjira mu muryango wa Afrika y-amaja Epfo, SADEC, Kandi munatuvugire no mu bihugu vya buraya vyafatiye ibihano uburundi vy-ubutunzi kugira bikurweho. Bandanya , n-impunzi z-abarundi ziri ngaha zitahuke kuko hari amahoro ubu. Muraziko inzego zacu zikorana neza kandi zirafata inkozi z-ikibi‟ Niko Perezida Ndayishimiye yabandanije avuga.

Tubamenyeshe ko kw-igenekerezo rya 23 nyakanga 2021 i New-york mu nama  nkuru ya bose y-ishirahamwe mpuzamakungu ONU umukuru w-igihugu c-uburundi yaheruka kumenyesha nahone ko amahoro n-umutekano mu gihugu arongoye ari vyose ko gusa arajwe ishinga n-irwirirana ry-imihari mu karere  yise ko ari iy-iterabwoba harimwo n-umuhari RED-TABARA  umaze gutangaza ko wiyemeje kurwanya Leta y-uburundi ndetse hakaba hari n-ibitero bimaze gukorwa mu bice bitandukanye vy-igihugu c-uburundi mu nyuma bikemezwa n-uwo muhari ko ariwo wabikoze.

 

 

RELATED ARTICLES
UBM News ads
- Advertisment -

Most Popular

Recent Comments