Raporo y’umurwi w’abahinga ba ONU baraye berekanye umugambi wa Paul kagame n’umuhari m23 wo guhinga
Leta nshasha mu Buseruko bwa Kongo ibizofasha Paul Kagame umugambi wo gucukura amabuye y’agaciro.
Muri iyo raporo nyene berekana ko RDF ariyo yatanga commandement mu barwanyi m’umuhari m23 ivyatumye bafata uburere bwinshi.
Muri rapporo yasohotse kuri uyu wa gatatu igenekerezo rya 2 Mukakaro 2025,umurwi w’abajinga ba ONU berekanye umugambi wa prezida Paul Kagame wo gushinga leta nshasha mu buseruko bwa Kongo bakoranye n’umuhari 23.
Muri uwo mugambi nkuko ico cegeranyo kivyerekana,Paul kagame hamwe Leta nshasha yoshingwa,bizomufasha umugambi wo gucukura amabuye y’agaciro.
Nkuko ibimenyeshamakuru nka RFI,reuters na le soir basomye iyo raporo,ico cegeranyo cerekana uruhara rw’ingabo z’urwanda(RDF) ko zakoze uruhara runini mu gufata ibice vyinshi muri Nord kivu na sud aho batanga amategeko ku barwanyi ba M23 ivyatumye bashobora gufata ibice vyinshi.
Naho ku wagatanu igenekerezo rya 27 ruheshi 2025 habaye amasezerano y’amahoro hagati y’urwanda na Rdc biracagoye kumenya nimba aya masezerano azoshirwa mu ngiro kuko nubu umuhari m23 ukomeje umugambi wo kubohora umuji wa uvira usanzwe ubu ugenzurwa n’ingabo za Kongo(FARDC)Wazalendo hamwe n’ingabo z’uburundi.
Recent Comments