ONU yakuyeho umurwi utohoza kw-ihungabanywa ry- gateka ka zina muntu mu Burundi .

0

Inama nkuru ijejwe agateka ka zina muntu muri ONU yakuyeho umurwi w-iryo shirahamwe warumaze imyaka 5 ukora amatohoza ku  gateka ka zina muntu mu Burundi .

Haciye hagenwa umuhinga yigenga adasanzwe azohora akurikirana ico kibazo. Abatari bake mu baharanira agateka ka zina muntu  mu Burundi babona ko amakungu ariko araheba uburundi  bukebuke. Yamara  ku bandi bakorera  mu gihugu  bobo akamwemwe  ni kose. N-umukuru w-igihugu c-uburundi Varisito Ndayishimye yemeza ko iyo mirwi itagikenewe mu gihugu arongoye.Image

Ingingo ishiraho intumwa idasanzwe izoba ijejwe gukora icegeranyo ku Burundi  muri ONU ivuga ko akazi nyamukuru kayo ari : kuba ijisho n-ugutwi kwa ONU kuvyerekeye agateka ka zina muntu , kuba hafi y-amashirahamwe adaharanira ivyicaro vya politike  hamwe n-umurwi w-igihugu wigenga ujejwe ivy-agateka ka zina muntu CNIDH.

Tubamenyeshe ko irungikwa ry-iyo ntumwa ije gusubirira umurwi wa ONU warusanzwe ukurikirana ibijanye n-iyubahirizwa ry-agateka ka zina muntu  mu Burundi warurongowe na Doudou Diène  ryemejwe ku majwi 21 , rihakanwa kurigera kuri 15  n-ayo amajwi 11 ntaco yabivuzeko.