Inyuma yaho tuboneye bamwe bamwe bakora urudadanza gw’ibiyayuramutwe bari no munzego z’igihu, Umukenyezi wo ku mutumba Nyagitongati komine Kayokwe, asanzwe ari no mu nama mpanuzwajambo y’iyo komine, nawe yarahagaritswe n’igiporisi ku mugoroba wo kuri uyu wa 19/04/2021.
Musitanteri w’iyo komine amenyesha ko yafatanywe amalitiro 50 y’inzoga ibujijwe n’amategeko yitwa umudringi. Ikirudipe carimwo iyo nzoga catowe mu ruhongore rw’impene aho cari kinyegeje.
Honorée Hatungimana, musitanteri, asaba abo arongoye kuvavanura n’iyo ngendo yo gukora canke kudandaza izo nzoga, cane cane indongozi zisabwa kuba akarorero mu kibano.
Recent Comments