Ishirahamwe ryiyemeje gukingira agateka ka zina muntu mu Burundi IDHB ryasohoye icegeranyo gifise umutwe ugira uti :ˮinyuma y-amadirisha , kunyuruzwa n-ukuborezwa igufa igufa vyabaye ndanse‟. Ico cegeranyo cerekana ko ibijanye n-agateka ka zina muntu biriko bigenda bitituka ku rugero ruteye ubwoba.
Ico cegeranyo kiradondagura cane cane gufata abantu , kuboreza igufa abari mu busho bw-igendereza, ababurwa irengero kandi barafashwe n-abikekwa ko ari abakozi b-iperereza canke igipolisi. Iryo shirahamwe ribona ko umukuru w-igihugu c-uburundi Varisito Ndayishimiye avuga ku munwa ibijanye n-ukwubahiriza agateka ka zina muntu ariko agahumiriza hageze kuraba amabi akorerwa mu gihugu arongoye iki gihe.
ˮInyuma y-urukwirikirane rw-ibitero vyahitanye abantu benshi bikozwe n-imirwi y-abitwaje ibirwanisho , imvugo ya Leta y-uburundi ijanye n-amahoro iratandukanye n-ibikorerwa n-ibikorerwa ku rubuga. Abanywanyi b-imigambwe itavuga rumwe n-uwuri ku butegetsi barahagaritswe bagirizwa gukorana n-imirwi yitwaje ibirwanisho. Benshi muri bo barapfungiwe mu gasho k-igendereza ku cicaro gikuru i bujumbura aho bamwe baborejwe igufa kugira ngo babemeza ivyo bavuga canke ayandi makuru‟ Niko ico cegeranyo kivuga kikanongerako ko ari abakozi b-iperereza canke abapolisi biyongereye cane mu mezi aheze kandi ko bamwe batarasubira kuboneka.
Recent Comments