Radiyo INZAMBA AGATEKA KAWE, ikindi kimenyeshamakuru cari carugaye, yasubiye gusamirana.

0

Inyuma y-ikiringo c-indwi zitatu cari kihaciye ihagarikiye ibiganiro, Radiyo INZAMBA  AGATEKA KAWE yaraye isubiye kusamirana kuva k-umugoroba wo kuwa 15 Ndamukiza.RADIO INZAMBA AGATEKA KAWE - YouTube

Nkuko bimenyeshwa na Alexandre Niyungeko  umuyobozi w-iyo radiyo, amenyesha ko ari urugamba biyemeje rwo kuzokwama bashikiriza amakuru abarundi bakamenya ibibera iwabo naho baguma baca mu ngorane zo kuburabuzwa ko bitabaca intege n-agato.

I radiyo INZAMBA AGATEKA KAWE  ikwirikiye i radiyo RPA nayone iheruka kusubira kusamirana kuwa 12 Ndamukiza.

Tubamenyeshe  ko mu binyamakuru bitatu vyaheruka  kuhagarika ibiganiro vyavyo kuwa 24 Ntwarante, iradiyo n- imboneshakure  RENAISSANCE ariyo isigaye itarasamirana ariko nayone vuba irasubira kushikiriza ibiganiro vyayo nk-uko  vyemejwe n-umwe mu bamenyeshamakuru  w-izo radiyo zimaze kwugurura.

Twobibutsa ko ivyo binyamakuru bitatu bikorera hanze y-igihugu inyuma yaho biterewe  bikaturirwa kuwa 14 Rusama 2015 n-abantu bambaye imyambaro ya gisirikare na gipolisi bitwaje ibirwanisho rutura ivyo abarongoye ayo maradiyo bavuga ko vyakozwe n-ubutegetsi ni mu gihe hari hahejeje kugerageza ihirikwa ry-ubutegetsi bw-umuhisi Petero Nkurunziza.