Kuwa 6 Mukakaro 2021 mu gisagara ca Bujumbura, harakoranye inama y-abarongoye igendereza ry-ibihugu bitanu vyo mu karere arivyo : congo, Burundi, Rwanda, Tanzaniya, Uganda.
Ikiringo c-imyaka ibiri nico abo barongoye iperereza ryo mw-ivyo bihugu vya karere baraye bihaye kugira ngo babe bashoboye gutuza imirwi y-abarwanyi ikorera mu karerere k-ubuseruko bwa Congo. Umurwi uhurikiyemwo bose uzoba ujejwe gukurikirana ibikorwa nyezina bijanye no gutuza iyo mirwi yitwaje ibirwanisho, uzoba ufise icicaro I Goma muri Republika iharanira Demokarasi ya congo.
Tubamenyeshe ko igice c-ubuseruko bw-igihugu ca Congo kimazemwo imyaka itari mike kihindutse ikirindiro ry-imirwi y-abitwaje ibirwanisho ikomoka mw-ico gihugu canke iyikomoka mu bindi bihugu vy-akarere. Abanyekongo baharurwa ibihumbi n-ibihumbi baramaze kwicwa n-iyo mirwi , abandi barayanyaga barahungira mu bundi burere bwo mw-ico gihugu.
Recent Comments