Ikigega c-isi caratanze uruhusha rwo kugurana uburundi imiriyoni 76 z-amadorari zokurwanya COVID-19.

0

Kuri uyu wa mbere igenekerezo rya 25 gitugutu 2021, Urwego nshinga ntwaro rw-ikigega c-isi yose FMI rwafashe ingingo  yo gusohora imiriyoni 76  n-ibihumbi amajana abiri vy–amadorari y-abanyamerika yo guha uburundi , ni ukuvuga amafaranga arenga imiriyaridi 153 z-amarundi.Covid-19 : le Burundi prêt à recevoir des vaccins via Covax | Africanews

Kubw-ikigega c-isi FMI, iyo ngurane izofasha uburundi mu kurwanya Covid-19 . Ayo mafaranga azofasha kandi kugabanya ingaruka z-ako karanda. Muvy-ubutunzi, azofasha n-abanyagihugu babangamiwe kurusha abandi hamwe n-ingaruka mbi zatewe n-ako karanda.

Ikigega c-isi gifata ko akaranda ka Covid-19 n-iyugarwa ry-imbibe vyaturutse kuri ako karanda nyene vyatumye ubutunzi bw-uburundi busubira inyuma kandi ngo bishobora gutuma n-intambwe yari yagezweko bigoranye izimangana mu bijanye no kubaho imisi yose kw-abanyagihugu. Ico kigega c-isi FMI kikasigura ko catanze iyo ngurane kubera ko Leta y-uburundi yiyemeje kubandanya politike y-ubutunzi  ijanye no guhangana n-ingaruka z-akaranda ka Covid-19. Leta y-uburundi ngo yari yemeje gutanga ivyegeranyo bitomoye bijanye n-amahera akoreshwa mu kurwanya ico kiza ca Covid-19.

Ikigo FMI kisigura ko iyo ngurane irenga n-imiriyari 153 ku burundi izofasha gukaburira abandi bagiraneza  kugira bafashe uburundi .