Ikibuga c-indege Melchior Ndadaye caraye gitewe, Umuhari RED-TABARA urigamba ico gitero.

0

Mw-ijoro ryo kuri uyu wa gatandatu  mu sa tanu z-ijoro  niho humvikana ibisasu bikomakomeye  biremereye biturika ku kibuga c-indege ca Bujumbura citiriwe incungu ya Demokarasi Melchior Ndadaye, mu nyuma haca hakwirikira urudavagi rwinshi rw-amasase. Abanyagihugu begereye ico kibuga c-indege ndetse n-ababa mu gisagara ca Bujumbura baraye mu bwoba budasanzwe.Umuringa Magazine on Twitter: "Le @mttpeat proroge d'une période de 7 jours à partir du 28 Mars 2020 à 23h59 heure de #Bujumbura la mesure visant la suspension des vols internationaux au #

Ubicishije k-urubuga rwa Twitter, Umuhari RED-TABARA, wiyemeje gukoresha umuheto mu kurwanya Leta y-uburundi niwo wemanze ko ariwo wakoze ico gitero.

ˮMu ma sa tanu z-ijoro zo kuri uyu wa 18 Nyakanga 2021, Twateye ibisasu vyinshi vyo mu bwoko bwa Obus ku kibuga c-indege mpuzamakungu c-I Bujumbura. Twongeye turatana mu mitwe  n-abasirikare bacungereye ico kibuga, bikaba vyamaze hafi isaha yose‟ Niko iryo tangazo ry-uwo muhari rivuga.

Bamwe mu basirikare bakorera ku kibuga c-indege citiriwe Melchior Ndadaye bemeza ko hatewe ibisasu bitanu vyo m-ubwoko bwa ˮmortiers‟  ariko kimwe murivyo kikaba kitaturitse. Ivyo bikaba bibaye mu gihe umukuru w-igihugu c-uburundi Varisito Ndayishimiye  bitegekanijwe ko aza gufata urugendo  ku kagoroba ko kuri uyu w-Imana  rumushikana  i New-York ku cicaro gikuru c-ishirahamwe mpuzamakungu ONU mu nama ya bose  y-iryo shirahamwe.