Ekeleziya katolika yarwije kabiri ibiciro vy-ishikanwa ritangwa n-abakirisu.

0

Inama nkuru y-abepisikopi katorika mu Burundi imenyesha ko kuva mu kwezi kw-icumi kw-uy-umwaka turimwo ishikanwa ritangwa n-umukirisu  wese yipfuza gusabira imisa uwiwe canke ikindi agomba gutura Imana abicishije mu nkuka y-imisa ryarwijwe na kabiri aho ryavuye ku mafaranga 1500 c-amarundi rishirwa ku mafaranga 3000 vy-amarundi.Au sommaire de l'édition de ce lundi 12 juin 2017 du journal ''Amakuru  y'Iwacu'' – IWACU

Musenyeri Joachim Ntahondereye arongoye iyo nkuru y-abepisikopi katolika asigura igituma iryo shikanwa ryadugijwe: ˮKugira ashobore kurangurana umwidegemvyo ibanga ryiwe, umusaseredoti arakenera uburyo bumufasha kwikenura, ubwo buryo ntahandi buva atari abo arangurira ibikorwa vy-ubutumwa.Abasaseredoti bahano iwacu I Burundi ni ukuvuga abapatiri n-abepisikopi  nta mushahara bafise. Gushika uyu musi, hambavu y-ibibatunga mw-I paruwasi canke mu bundi butumwa barimwo baronka ishikanwa ritangwa  n-umukirisito agomba gusabira uwiwe  canke afise ikindi agomba gutura Imana abicishije mu nkuka y-Imisa.  Mu ntumbero rero yo gufasha abasaseredoti  ngo barangure ubutumwa mu mwidegemvyo  mu rukundo rwitanga  badata umwanya w-ubutumwa  mu kwiruka muvyo batarekuriwe  twasanze ari ngombwa  ko dusaba abakirisito  kwongereza iryo shikanwa ry-imisa umukirisu atanga  mu gusabira uwiwe canke  kugira ico asavye. Twaciye  dufata ingingo y-uko kuva mu mwaka w-ubutumwa w-2021 ushira uwa 2022 iryo shikanwa ry-imisa rizoba riri ku mafaranga 3000 vy-amarundi‟