Umugambi wo gutanga indogoba biciye kw’ishirahamwe “OGENA-Burundi” ryafashijwe n’Ubufaransa watumye Leta y’Ubrundi igiranira migenderanire mibi na leta y’Ubufaransa. Mw’ikete umushikiranganji w’ibidukikije,uburimyi n’ubworozi Deo Guide RUREMA yandikiye musitanteri wa komine Nyarusange mu ntara ya Gitega, yamenyesheje ko izo ndogoba zatanzwe ‘hatisunzwe amategeko n’ubuhinga bijanye mu gutanga ibitungwa bivuye hanze’.
Ariko rero, biboneka ko hari impamvu yinaka yatumye haba ukwo kutabona ibintu kumwe hagati y’uwuserukira Ubufaransa mu Burundi, Laurent Delahausse na leta y’Uburundi. Abashigikiye Leta y’Uburundi babona ko ‘ivyo ari igitutsi ku Burundi’.
Laurent Delahausse akaba wewe yishuye kuri ivyo birego ko ‘ku bwiwe amategeko yakurikijwe kuri ukwo gutangwa kw’izo ndogobwa’. Mu makuru duskesha Ikinyamakuru Europe1, havuga hati: “Uwuserukira Ubufaransa mu Burundi, Laurent Delahausse ariko arishura kw’itangazo ry’Ubufaransa riheruka kwiyamiriza ihinyanyurwa ry’ibwirizwa shingiro mu Burundi hamwe n’imigenderanire ya hafi iheruka kuba hagati y’Urwanda n’ubufaransa”.
Pardon mais l’ambassade de France n’a pas été chercher les ânes : nous avons simplement financé un projet qui nous a été soumis par une ONG burundaise. Ce n’est pas la France qui introduit l’âne au Burundi. A ma connaissance toutes les procédures ont été respectées. https://t.co/euFvxOfJRa
— Delahousse Laurent ⭐️⭐️ (@lpjd75) May 27, 2018
Haragarukwa ku rugendo Paul Kagame arongoye Urwanda, igihugu gisanzwe kidacana uwaka na Leta y’Uburundi, aheruka gukora mu Bufaransa maze bikaba biboneka ko bitaguye neza Leta y’i Bujumbura kuri iyo ‘migenderanire ya hafi’ hagati ya Leta y’Ubufaransa n’iy’Urwanda.
Ikinyamakuru Eyurope1 kimenyesha ko ‘abanyagihugu n’ishirahamwe bari bafashijwe muri uwo mugambi ko aribo bahabonera’ bitumwe n’uko iciswe “umugambi muto(micro-projet) wagizwe uwa politike”.
Soyons honnête l'âne est symbolique d'une qualité ou un défaut ? @Ipdj75 vous nous prenez pour des ânes. un dos d'âne c'est pour freiner l'allure des #Burundi-ais https://t.co/VlS8evY9G2
— gabby bugaga (@GabbyBugaga) May 27, 2018
Tubibutse ko uwo mugambi nk’uwo wigezwe gukorwa mu Ntara ya Ruyigi biciye ku mfashanyo y’igihugu c’Ububiligi ariko ukaba utigeze uhura n’ingorane n’imwe, nk’uko Ikinyamakuru Daily Mail kibishira ahabona.
Recent Comments